இறுதிக் கட்டத்தை எட்டும் உலகின் நீளமான சுரங்கப் பாதை.

உலகின் மிக நீளமான போக்குவரத்து சுரங்கப் பாதையின் நிர்மாணப் பணிகள் இறுதிக் கட்டத்தை எட்டியுள்ளன. இறுதிக் கட்டத் தோண்டும் பணிகளில் இப்போது சுவிட்ஸர்லாந்து பொறியியலாளர்கள் தீவிரமாக ஈடுபட்டுள்ளனர்.
இந்தச் சுரங்க ரயில் பாதை 57 கிலோமீட்டர் நீளமானது.கோதார்ட் எனப்படும் இந்த சுரங்க ரயில் பாதையின் நிர்மாணப் பணிகள் கடந்த 14 ஆண்டுகளாக மேற்கொள்ளப்பட்டு வருகின்றன. 2500 பேர் இதில் பணிபுரிந்து வருகின்றனர்.இந்த இறுதிக் கட்டப்பணிகள் ஐரோப்பா முழுவதும் நேரடியாக ஒளிபரப்புச் செய்யப்படவுள்ளன.
இந்தச் சுரங்கப் பாதையூடாக ரயில் பயணம் 2017இல் தொடங்கப்படும் என்றும் இதன் மூலம் சூரிச்சுக்கும் மிலானுக்கும் இடையிலான பயணதூரமும் நேரமும் கணிசமாகக் குறையும் என்றும் அறிவிக்கப்பட்டுள்ளது.
9.8பில்லியன் சுவிஸ் பிராங் அல்லது 6.4பில்லியன் ஸ்ரேலிங் பவுண் அல்லது 10.3 பில்லியன் டொலரில் நிர்மாணிக்கப்படும் இந்தச் சுரங்கப் பாதையூடாக தினசரி 300 ரயில்கள் மணிக்கு 250 கி.மீ.வேகத்தில் பயணம் செய்யவுள்ளன.